一86歲患有失智症的婆婆，因尿道炎入院。
巡房時間，小弟走到她的床前問好：「早晨婆婆！你叫甚麼名字？」
「醫生！床尾呀！床尾有野呀！」
「床尾有乜野先？農曆七月流流，醫院有野都唔出奇丫。你講清楚先得咖。」
「兩隻藍色野呀！有毒㗎！」她直接指著我。
而我懷中正抱著深藍色的牌板和藥板（病歷檔案和藥物記錄）。
我手中各執一板：「你話呢兩個？」
婆婆：「係呀！你捉到呀？拎過來，打開畀我睇下！」
我：「好啦好啦，見係你，我離遠掀幾頁比你睇下喇。」
婆婆指著我寫的筆跡說：「咁多鬼畫符！仲唔係寫緊咒人嘅毒藥？」
我：「阿婆，呢段係我寫㗎。」
「救命呀！謀財害命呀！放我出去呀！」
我：「⋯⋯⋯」
～～～～～～～～
午飯時間，助理阿姨餵婆婆吃飯。
婆婆反抗說：「你們餵毒藥我食嘅！我唔食呀！」
阿姨說：「咁你點先肯食呀？係得呢啲嫁咋！」
婆婆說：「我自己食！」
說罷，就搶過飯碗，一羹一羹的把飯送進口裡。
我問：「阿婆，點解同一碟飯，人地餵就係毒藥，自己食就無事呢？」
婆婆懶得答我，繼續自顧自的吃得津津有味。
Search